Popular Bible Verses from 2 Pedro 2

Share

Qaq de'era qomi' ỹachaxanalo Ñim Lo'onatac 'Enauacna, da Ñimaye ỹaỹaten da ỹaỹamaxaañi nam lqalaiguesat qataq nam ishet da nqanaxat nam ỹalaxaguet Ñimaye, qataq nataqa'en ỹaỹaten da ỹauo'o ca nhuaxanaguec nam ỹo'ottac na qauem. Qaq damaye ỹo'ot que'eca na'a'q qom nmit 'enauacna.

Cha'aye ỹaỹamaqchiguiñictaxa namayepi da saishet co'ollaxa da ỹaỹaten da lataxac da achaalataxac maye ỹaỹamaxareeta Ñim Lo'onatac 'Enauacna. Qalaxaye nagui ye ỹaỹaten, nache da ỹaxaañi da ỹalaxaguet Ñim Lo'onatac 'Enauacna, nache namayepi ỹactec da ỹo'ot sa ỹaỹamaxañi, saq 'ena'am so hua'auchiguiñi. Qaq ne'ena shiỹaxauapi ỹachaxan da 'eesa naxa de'era na'aqtac maye 'eeta': «Ca pioq maiche ipacta da chec ca alolaxat», qataq de'era lỹa na'aqtac naxa 'eeta': «Aca cos late'e maye cheta'ague da qanachelaxaatac, qalaq ipacta da ncogangui ca nshaxa.»

Qataq ỹachaxanapecot da huesochiguiñi namayepi da ỹo'ot ca maiche 'eetapeguec, qalaxaye namayepi saishet da ỹañoxot da ỹaxaañi da ỹo'ottac na qauem. ¡Qaq nachena ne'ena qauempi na iviraxata'a da ilaxachigui namayepi! Cha'aye ca saishet da ỹaxaañi da ỹo'ottac na lasouaxashetpi, nache camaye ivira'a da l-latac da ñe'etaxaloxo.

Cha'aye nataqa'en nam mashe ỹauatton So Qarataxala' qataq Qarca'alaxaqui Jesucristo, namayepi saishet da quetague' da lataxac na 'etaxaloxoicpi maye huetalec ana 'alhua. Qalaxaye da maiche nasheeteuo da ỹe'eguelaxa da ỹatenachet ne'ena lataxacpi qataq hua'aqta'a da ỹauectac da ñe'etaxaloxo, nache namayepi ỹataqta ỹactec da ỹo'ot sa ỹaỹamaxañi saq 'ena'am so hua'auchiguiñi.

So Israel le'ecpi huo'o co'ollaxa na 'eetega da lamaxayec Ñim Lo'onatac 'Enauacna, qalaxaye saishet da 'en. Qaq nache 'eetec nataqa'en da qoñiita da huo'o na napaxaguenataxanaq da 'eetega lamaxashec Ñim Lo'onatac 'Enauacna, qalaxaye saq 'en. Namayepi ỹan da napaxaguenataxanaxac maye saq 'en qataq huo'o da lchec, qalaxaye saishet da qananomiỹa, ivira'a da 'eetega So Jesucristo da saishet da deca'alaqtaxan. Qaq ỹoqo'oye namayepi ishet da nque'elaxatta da qailaxachigui.