Popular Bible Verses from 1 Juan 2

Share

Saishet qome da qoñiita'am nam 'etaxaloxoicpi ana 'alhua, qataq saishet da qauo'oche nam ỹo'ottacpi namayepi. Cha'aye nam ỹo'ottac de'era nache saishet da ỹauotec Ñim Lo'onatac 'Enauacna maye Nta'a. Nam lataxacpi maye ỹachaxaatac na shiỹaxauapi maye huetalec ana 'alhua, saishet da chegoqo'ot Ñim Lo'onatac 'Enauacna, namayepi chegoqo'ot nam 'etaxaloxoicpi maye huetalec ana 'alhua. 'Ena nam lataxacpi maye ỹachaxaatac ana 'alhua: na qauem nqopitaxanaqtaiguesat, da nyaxayec da qaỹaconeguet cam qailota'a, qataq da nsallaxa maye chegaqaigui da ño'oxonnaxac ca shiỹaxaua.

Qalaxaye nam qauemaicpi ana 'alhua qataq 'enauac nam ỹachaxaatac, mashe huotaique da imeuo. Qalaxaye cam ỹo'ottac cam damaxasoxoolec Ñim Lo'onatac 'Enauacna, camaye nache 'eetai' da nca'altauec.

Qataq ca 'eetega da nauochaxaua Ñim Lo'onatac 'Enauacna, nache camaye iuen da nateeteguet da lataxac co'ollaxa So Jesús.

Aỹem ỹataqta qami' sauoteque, 'eeta'am ñaqa'en da maiche qami' ỹalqa. Ỹoqo'oye qami' samaxalo ana ỹere da yaqto' saishet da huo'o ca qauo'oche qarasouaxashechi. Qalaxaye da huo'otaq huo'o ca huo'o ca lasouaxashet, nache So Jesucristo maye no'on da lataxac, Somaye qomi' detaqleguete da datato'ot Ñim Lo'onatac 'Enauacna maye Nta'a.

Da huo'o ca 'eeta': «Aỹem ñauochaxaua Ñim Lo'onatac 'Enauacna» qalaxaye saishet da ỹalaxaguet, nache camaye tenataxanaxaic qataq saishet da 'en da nasaxauec.

Qomi' saỹatenaq qataq sauattonaqta Ñim Lo'onatac 'Enauacna, cha'aye salaxasoxogueta naua lamaxasoxonaxaco.

Da huo'o ca 'eetega da nachattaigui na yo'oqchiguiñi, qalaxaye nquiỹatega ca lỹa maye la'amqaanataxanaxaua, nache camaye ỹoqta 'eesa da ñaq huetaigui na lta'araic napalaxa.

Qaq ỹoqo'oye ¿negue't cam tenataxanaxaic? Qomye nacheca cam 'eetega So Jesús da saishet da Lca'aguishec Ñim Lo'onatac 'Enauacna. Qaq 'eca, cam npa'aguenaxaua So Cristo, cha'aye sa ỹaconeguet Ñim Lo'onatac 'Enauacna maye Nta'a qataq So Jesús maye Llalec.

Camachaqca da sa ỹaconeguet Som Ñalec, nache nataqa'en sa ỹaconeguet Ñim Nta'a. Qaq cam ỹaconeguet Som Ñalec, nache nataqa'en ỹaconeguet Ñim Nta'a.