Popular Bible Verses from Génesis 49

Share

Ni majañi'qque tsu Judá manda'je'choma itsaya'bi. Ni tise tiveni an'bian'cho coen quini'ccoma'qque itsa'faya'bi tsa quini'cco na'su jiya'ngae. Tsama tsu poi canqquesundeccu paña'faya.

José ta tsu quini'cco na'en otafani ccutsupa ñotsse namba ttuccu ccafanga'qque furiqquia'can. Battittiansundeccu tsu tisema chi'gapa noñangiamba pa'cco a'ta battittian'jen'fa.

Tsa'ma Joséja tise tive quin'amba oyambitsse tise battittianccuma indipa poini battittian'jen. ¡Ñotssi tsu Jacobmbe Chiga Osha'choma Oshacho'cho! ¡Ñotssi tsu coira'sumbe inise. Tise tsu israendeccuma angacan! José, ¡ñotssi tsu que yaya'yembe Chiga! Tsa tsu quema fuiteya. Tsa Chiga Osha'choma Oshacho'cho tsu quema ñotsse tsoña'chone afaya. ¡Nane sefaccone tsu quema ñotsse tsoña! ¡Mar tsosine'qque tsu quema ñotsse tsoña! Toya'caen quema ñotsse tsonsi tsu que'su pushesundeccuja tsain'bio du'shuve isupa chochoemba coeña'faya.

Judá , que antiandeccu tsu quema ñotsse in'jamba afa'faya. Tsifoye indipa patsuqquia'caen qui quema iyiccayesundeccuma patsuya. Ñoa'me que antiandeccu'qque tsu quenga ccarupa dyai'faya. Queta qui ttesi du'shua'can. Que indipa an'choma catipa ansundepa ccuipa ronda'je. Nane rande ttesia'caen qui andenga ccui. Tsa'caen ccui'ninda, ¿majan tsu quema noñangiaña?

Rubén , que qui ña dutssi'ye coenza. Que qui ña quin'sui'ccu me'ttia'ye tetacho naqquia'caen ña quin'sui'ccu aisheve isu'cho. Que qui o'tie joccapitssipa osha'choma oshacho. Tsa'ma ja'ñota qui tsa'cambi. Jongoesu shave'pa'caen qui injansembe injangae tsincon. Nane tsa'camba qui ña ambian'choi'ccu ña ana'jen'chonga ccuipa egae tsincon.