Popular Bible Verses from Génesis 27

Share

Chiga tsu quenga sefani'su unjima afeya, Toya'caen ñotsse sho'yoya'cho andema. Tsonsi qui tsain'bio trigo, tsain'bio vinoma'qque an'biaña. Tsain'bio a'i tsu quema paña'faya. Nane faesu ande'su aindeccu'qque quenga ccaru dyai'faya. Que antiandeccuma'qque qui mandaya. Nane que mamambe dushundeccu'qque quenga ccaru'faya. Majan quenga egae tsoña'chove afa'ninda Chiga tsu tisenga egae tsoña. Tsa'ma majan quenga ñotsse tsoña'chove afa'ninda Chiga tsu tisenga ñotsse tsoña.”

Tsonsi Esaúja su: —¡Ñoa'me tsa'cañasi ti qui Jacobve inisian'fa! Nane ja'ñojan dos se tsu ñambema qqueñamba itsa. Otie tsu dutssi'ye coenza isuya'choma itsa. Tsomba ja'ñojan ñanga ñotsse tsoña'chove afaya'choma'qque itsa. ¿An'biambi ti qui faesu afa'choveyi'qque ñanga ñotsse tsoña'chove afaye?

Tsa'caen i'nasi Isaacja su: “Nane queja ñotssia ande'ye joqquitssipa biani can'jeña, ni unjin'qque tui'jembinia. Sundaroa'caen tisu matichi'ccu iyicco'jepa qui tisu andema an'biaña. Nane que antianma shondo'suve qui daya. Tsa'ma maqui a'ta quin'ame tson'da qui tise'ye ccushaya.”

Tsa'ma Esaúja quian'me iñajamba su: —¿Aqquia fae afa'choveyi ti qui an'bian, yaya? Chigáne ñanga'qque ñotsse tsoña'chove afaja. Tsa'caen supa ccase i'na fundo.