Popular Bible Verses from Israelítalachi 13

Share

Calaca duque munapun itolajona! Diosi nulaca ayudaiyanae tinue. Nulaca telaquepotuanae tinue. Junni nisi cala tatotiya, tsansiberi pansi jolajona!

Jesucrístori canbiyaitumin joe. Quisin jun tsannan jomin joto, amana jun tsannan cajoto, numatotiya jun tsannan joto polechunae.

Junni Diosi chiquilaca tsanque cuidaimin jonari, chiquilari pansi joto itsantino podeilaiyoe: Miya Diosiri laca duque ayudaimin joeque chuteca joe. Jun tenchi tsachilaca jele titiyoeque chuteca joe laca niyantiya quilaquinasatiya. Chiquilanan tsantino podeilaiyoe.

Junsi nula Diosichi ticatiya epe cuwachun, itonlachi cuwanilaquina! Isapun itolajona! Uyanlaca seque quilaquina! Tsanlaquinari Diosichi epe cuwanun cuwenta patichunae. Junca Diosiri se joe tichunae.

Junni Diosichi joto, yaca se tinola joyoe. Jana patelela animalilaca toteto cuwamin jominlanue. Junni chiquilari Diosica se tinato, yachi jolajoyoe tinato, chiquilachi fiquicanan Diosichi tsanquenan cuwaminlayoe.

Sona canaminlaca o unila quinaminlaca seitolajoe tituntsan joe. Se joe. Unilalari tencachique sonabe catsonari, jutsa natiya itochunae. Juntonan uyan sonabe o uyan unilabe natiya nosa seitonque nenalaratuna! Tsanque seitonque nenaminlacari Diosi casticaquichunae.

Quiratununlaca facaricalaquina! Weyanlari quiratununlaca facaricanato, anjelilaca miitutonan facaricanaminlanue.

Diosi nulaca jera se quino poden josa carideque rocainayoe yape yabe mantaito nenano podeilaisa. Nula Jesucrístoca quereiminlaca se suwasa rocainayoe. Diosi nulaca duque sen josa munaranan, tsanquenan se suwasa rocainayoe. Yari chiquilaca pansi chusa carimin joe yape wepanatuto chularasa. Yari chiquilachi Miya Jesucristo puyaca jominca mansoncarinue. Ya Jesucrístori fe mantá tan joto, yachi tsachilaca seque cuidaimin joe opisaca seque cuidaimin cuwenta. Yari puyato yachi asanca larito, nulachi tenchi numatotiya trato joto polesa carica joe. Junni numatotiya yaca tsara sen joe tintsan joe. Tsanqueri joe.