Popular Bible Verses from Openboarunk 2

Share

Oba ekj hab dit jäajen die, daut du von diene ieeschte Leew aufjekomen best.

Denkj doaraun, wuavon du jefollen best, kjia om un doo wada, waut du aum Aunfank deetst. Wan du nich omkjieren woascht, woa ekj komen, un dien Laumpenhoola von siene Städ wajchnämen.

Fercht die fa nuscht, waut du em korten woascht lieden motten! Seet mau, de beesa Fient woat eenje von junt faustnämen loten, junt opp de Proow to stalen, un jie woaren tieen Doag lieden motten. Bliew tru bat em Doot, dan woa ekj die de Läwenskroon jäwen.

Wäa Uaren haft, däm lot hieren, waut de Jeist de Jemeenten sajcht! Dän Jewenna woa ekj vom Läwensboom to äten jäwen, dee medden en Gott sien Paradies steit.

Ekj weet om diene Woakjen, diene Oabeit un diene Jedult, un daut du de veleidende Menschen nich vedroagen kaust. Du hast dee utjeprooft, dee doa väajäwen Apostel to sennen, dee daut oba nich sent, un hast utjefungen, daut daut Lieeja sent.

Du hast jeduldich utjehoolen un best nich meed jeworden, om mienen Nomen sient haulwen to oabeiden.

Wäa Uaren haft, däm lot hieren, waut de Jeist de Jemeenten sajcht! De Jewenna woa ekj von daut vestoakne Mauna to äten jäwen. Un däm woa ekj uk een witten Steen jäwen, un opp dän Steen een nieen Nomen jeschräwen, dän sest kjeena läsen kaun aus dee, dee dän kjricht.