Popular Bible Verses from Filippa 1

Share

Ekj hab doarenn goode Hopninj, daut dee, dee daut goode Woakj en junt aunjefongen haft, dee woat daut uk foadich moaken bat aun Jesus Christus sienen Dach.

Mien Jebäd es, daut june Leew toonämen kunn, en waut jie weeten un vestonen lieren. Doaderch sell jie fauststalen lieren, waut daut aulabaste es, daut jie aun Jesus Christus sienen Dach rein un schultfrie sent.

Daut es soo wiels Christus mien läwen es, un stoawen es fa mie jewennen.

Ekj dank mienen Gott wan ekj aun junt denkj.

Seet bloos doano, daut jun Waundel met Christus sien Evangelium stemt. Auf ekj dan han kom ooda wajch bliew, ekj well von junt hieren, daut jie em Jeist jlikj jesonnen sent, un daut jie met ons toop fa dän Gloowen vom Evangelium kjamfen doonen.

Ekj hop un räakjen opp iernst doamet, daut ekj opp kjeenen Wajch woa toschaund woaren. Gaunz kloa un open un to aule Tiet saul Christus en mienem Kjarpa veharlicht woaren, gaunz jlikj auf derch läwen bliewen ooda stoawen.

Junt es daut om Christus sient haulwen jeschonken, nich mau aun am to jleewen, oba uk fa am to lieden.