Popular Bible Verses from Markus 9

Share

Auf ekj kaun? säd Jesus. Aules es mäajlich fa dän, dee doa jleeft.

Dän Jung sien Voda roopt plazlich ut: Ekj jleew; halp mie en mienem Ongloowen!

Un aus hee trigj em Hus kjeem, fruagen siene Jinja am em vetruen, wuarom see dän Jeist nich hauden kunt rutdriewen. Hee säd to an: Soone Jeista aus dit komen derch sest nuscht rut aus derch daut Jebäd.

Solt es goot; oba wan daut Solt ieescht nich mea soltich es, wuamet jeit daut wada soltich to moaken? Habt Solt en junt selfst un hoolt Fräd unjarenaunda!

Wäa eent von dise kjliene Kjinja en mienen Nomen oppnemt, nemt mie opp; un wäa mie oppnemt, nemt nich mie opp, oba dän, dee mie jeschekjt haft.

Ekj saj junt de Woarheit: Wäa junt en mienen Nomen, un doawäajen wiels jie Christus aunjehieren, eenen Drunk Wota jeft, däm woat daut nich onbeloont bliewen.

Un wäa eent von dise kjliene, dee aun mie jleewen, eene Uasoak jeft to faulen, fa däm wia daut bäta, daut am een Molsteen aum Jenekj jehongen un em Mäa jeschmäten wort.

Un wan dien Uag die veuasoakt to sindjen, riet daut rut! Daut es bäta fa die met een Uag en daut Gottesrikj to komen, aus twee Uagen to haben un en daut Halenfia jeschmäten to woaren