Popular Bible Verses from Markus 13

Share

Jie woaren wäajen mie un miene Lia von aulemaun vestat woaren. Oba wäa bat aum Enj tru bliewen woat, woat seelich woaren.

Siet waka, siet väasechtich! Wiels jie weeten nich wanea dee Tiet komen woat.

Un wan jie enjestopt woaren un ver Jerecht komen, sorcht nich doaräwa, waut jie sajen sellen. Sajcht daut, waut junt dan jejäft woat, wiels daut sent nich jie, dee doa räden, oba de Heilja Jeist.

Himmel un Ieed woaren vegonen; oba miene Wieed vegonen nich.

Dän Dach ooda de Stund wanea daut passieren woat, weet kjeena, nich emol de Enjel em Himmel, uk nich de Sän. Daut weet bloos de Voda.

Un wan jie von Kjrich un Kjrichsjeschrech hieren woaren, doawäajen fercht junt nich. Daut mott aula komen. Oba daut es noch nich daut Enj.

Blieft waka; wiels jie weeten nich wanea de Har vom Hus trigjkomen woat, auf zeowes ooda medden en de Nacht ooda wan de Hon kjreit, ooda zemorjes. Sorcht doafäa, daut jie nich schlopen woaren, wan hee met eemol onverhofs komen sull. Waut ekj to junt saj, saj ekj to aule: Woakt!

Een Volkj woat jäajen daut aundre oppstonen un een Kjennichrikj jäajen daut aundre. Doa woat opp veschiedne Städen Ieedbäben sennen. Doa woat Hungaschnoot un Forcht sennen. Oba dit es noch mau wua daut Trua aunfangt.

Un ea daut Enj kjemt, mott daut Evangelium aule Velkja jeprädicht woaren.

Väle woaren en mienem Nomen komen un sajen: Ekj sie dee, un see woaren väle veleiden.

Oba moakt junt reed! Jie woaren ver Jerecht jebrocht woaren un woaren en de Judenschoolen jepriejelt woaren. Un wäajen mient haulwen woa jie ver Kjennichs un aunjestalde to stonen komen om jun Zeichnis von mie to jäwen.

Wiels doa woaren väl faulsche Christussen un väl faulsche Profeeten verendach komen un Tieekjens un Wundasch doonen, om de utjewälde to veleiden, wan daut mäajlich wia.

Oba wan daut schrakjelje, en dee Doag, woat äwa sennen, woat de Sonn diesta woaren un de Mon uk dän Schien velieren. De Stierns woaren vom Himmel faulen, un de Himmelskjraften woaren sikj bewäajen.