Popular Bible Verses from Matäus 2

Share

Aus see em Hus nenn jinjen, fungen see daut Kjint met siene Mutta, Maria, un schmeeten sikj ver am dol un bäden am aun. Un aus see äare Reistauschen opjemoakt hauden, schonken see am Golt, Weiruak un Mirren.

Aus Jesus en Kjennich Herodes siene Tiet, en Betlehem en Judäa jebuaren wia, seet, dan kjeemen Stiernforscha utem Oosten no Jerusalem un fruagen: Wua es de niejebuarna Kjennich von de Juden? Wie haben em Oosten sienen Stiern jeseenen un sent jekomen am auntobäden.

Aus see dän Stiern sagen, freiden see sikj sea.

Un wiels Gott an em Droom jewoarnt haud, nich trigj no Herodes to gonen, jinjen see opp eenen aundren Wajch no Hus. Un aus see opp däm Trigjwajch wieren, kjeem dän Harn sien Enjel no Josef em Droom un säd to am: Sto opp, nemm daut Kjint un siene Mutta, un flicht no Ägipten, un bliew doa bat ekj die sajen woa. Wiels Herodes haft em Plon daut Kjint to sieekjen un daut omtobrinjen.