Popular Bible Verses from Matäus 16

Share

Dan säd Jesus to siene Jinja: Wan wäa met mie metkomen well, mott hee von sikj selfst vejäten un dan sien Kjriez opp sikj nämen un metkomen.

Un ekj saj die, du best Petrus, un opp disen Steen woa ekj miene Jemeent buen, äwa dee de Doodesjewault niemols woat de äwahaunt kjrieen.

Un ekj woa die de Schlätels toom Himmelrikj jäwen, un wautemma du oppe Ieed binjst, saul uk em Himmel jebungen sennen, un aules, waut du oppe Ieed leesen deist, saul uk em Himmel loos sennen.

Wiels wäa sien Läwen raden well, woat daut velieren. Oba wäa sien Läwen om mient haulwen velieren deit, woat daut wada finjen.

Wiels waut halpt een Mensch daut, wan hee de gaunze Welt jewennen wudd, wan hee siene ieejne Seel doafäa jäwen must? Ooda waut kaun een Mensch jäwen, siene Seel trigjtokjrieen?

Un hee säd to an: Un wäa saj jie, daut ekj sie? Simon Petrus auntwuad: Du best de Christus, dän läwendjen Gott sien Sän!

Jesus säd to Petrus: Seelich best du, Simon, Jona sien Sän. Dit hast du nich von Menschen. Daut haft mien Voda em Himmel die openboat.