Popular Bible Verses from Lukas 7

Share

Doawäajen saj ekj to die: Äa sent väl Sinden vejäft, doawäajen es äare Leew soo groot; wiels wäm mau weinich vejäft es, däm siene Leew es uk soo väl weinja. Un Jesus säd to ar: Die sent diene Sinden vejäft.

Dan säd Jesus to de Fru: Du best derch dienen Gloowen jerat; go en Fräd!

See jinkj hinja am stonen un hield un funk aun am met äare Tronen de Feet to wauschen un drieejd dee met äa Hoa. See kust am de Feet un goot am de Eelj doaräwa.

Ekj hab mie nich wieet jeacht, selfst no die to komen; oba saj du bloos daut Wuat, dan woat mien Kjnajcht jesunt woaren. Wiels ekj sie selfst een Maun, dee de Rejierunk unjadon es, un hab Soldoten unja mie; wan ekj to eenem saj: Go! dan jeit dee; un toom aundren: Komm! dan kjemt dee; wan ekj to mienen Kjnajcht saj: Doo dit! dan deit dee daut. Aus Jesus dit hieed, wundad hee sikj äwa am un dreid sikj no de Menschen un säd: Ekj saj junt dit: Soonen grooten Gloowen hab ekj nich emol en Israel jefungen.

To dee Tiet heeld Jesus jrod väl von äare Krankheiten un Ploagen un von beese Jeista, un heeld väle blinje de Uagen, daut see seenen kunnen. Dan säd Jesus to an: Got sajcht Johanes, waut jie jeseenen un jehieet haben: de blinje seenen, de lome gonen, de Lepra woaren rein, de doowe hieren, de Doodes stonen opp, un de oame woat daut Evangelium jeprädicht