Popular Bible Verses from Johanes 1

Share

Oba aul dee, dee am oppneemen, un aun sienen Nomen jleewen, jeef hee de Macht, Gott siene Kjinja to woaren.

Aus aules aunfunk, wia daut Wuat, un daut Wuat wia bie Gott, un waut Gott wia, wia daut Wuat.

Daut Licht schient em diestren, oba daut diestre haft daut nich vestonen.

Un daut Wuat wort Mensch, un wond mank ons. Un wie sagen, woo harlich hee wia, eene Harlichkjeit soo aus een Voda sienem eensjen Sän dee jeft, voll von Jnod un Woarheit.

Derch am es aules jemoakt, un onen am es nuscht jemoakt waut jemoakt es. En am wia Läwen, un daut Läwen wia daut Licht fa de Menschen.

Aum näakjsten Dach sach Johanes Jesus no sikj opptoo komen un säd: Kjikjt, daut es Gott sien Laum, daut de Welt äare Sinden wajchnemt!

Hee wia en dise Welt, un de Welt wia derch am jemoakt, un de Welt kjand am nich. Hee kjeem no daut sienje; oba de sienje neemen am nich opp.

Daut wia daut woarhauftje Licht, daut fa aule Menschen schient, dee en dise Welt nenkomen.

Daut Jesaz wia derch Moses jejäft, oba Jnod un Woarheit kjeemen derch Jesus Christus.