Popular Bible Verses from Jeremia 7

Share

Oba aun dän Dach aus ekj june Vodasch ut Ägipten rut brocht, säd ekj en miene Jebooten to an, nuscht wäajen Brauntopfa ooda Schlachtopfa. Waut ekj von an velangd, wia daut see mie jehorchen sullen, un dan wudd ekj äa Gott sennen un see wudden mien Volkj sennen. Läft doano aus ekj junt saj, un dan woat junt daut goot utkomen.

Oba see wullen nich no mie horchen, un haben nich jedonen waut ekj säd. See deeden, waut ut äa stekjsennjet un beeset Hoat kjeem, un see sikj selfst utdochten. See dreiden mie dän Rigjen han un nich daut Jesecht

Ekj velang daut jie väasechtja sent met daut, waut jie doonen, un woo jie läwen; un daut jie rajcht haundlen eena met däm aundren. Ekj velang, daut jie de framde, de Weisen un Wätfrues, nich utnutzen, daut jie opp disen Plauz nich oschuldje Menschen ombrinjen, un daut jie junt nich opp framde Jetta veloten, dee junt bloos Schoden brinjen. Bloos dan woa jie bestendich opp disen Plauz wonen, en dit Launt woont ekj june Vodasch jejäft hab, daut jie daut opp emma un emma haben sullen.

Dit es waut de HAR, dee aules rejieet, dee Israel äa Gott es, sajcht: Siet väasechtja met daut waut jie doonen, un woo jie läwen, un dan woa ekj junt opp disen Plauz wonen loten.