Popular Bible Verses from Jesaja 65

Share

Ea see bäden, woa ekj an auntwuaten; ea see utjerät haben, woa ekj an jäwen.

Horcht emol, ekj moak niee Himmel un eene niee Ieed. Waut verhäa wia, woat nich mea aun jedocht woaren, un woat nich mea em Jeräd komen.

Äare Oabeit woat nich vejäfs sennen un äare Kjinja woaren nich Schoden lieden. See woaren unja mienen Säajen sennen un äare Kjinja woaren bie an bliewen.

Dee woaren nich buen un een aundra doabennen wonen; dee woaren nich aunplaunten un een aundra daut äten. En mien Volkj woaren de Lied soo oolt woaren aus de Beem, un waut miene jewälde buen, woaren see lang goot brucken kjennen.

Daut woat nich mea passieren, daut een Kjint mau een poa Doag läft; un de elre woaren kjennen äare Joaren utläwen. Wäa bie 100 Joa stoaft woat aus een junga talen, un wäa nich bat 100 läft woat talen aus bestroft fa siene Sinden.

De Wulf un daut Laum woaren eena biem aundren fräten; de Leiw woat Stroo fräten soo aus de Oss; un de Schlangen woaren Ieed fräten. Opp mienen heiljen Boaj, woat kjeen schlajchtet sennen un nuscht vedorwen woaren, sajcht de HAR.

Ekj woa mie to Jerusalem freien un froo sennen äwa de Lied. Doa woat kjeen hielen to hieren sennen, un kjeena woat fa Angst schrieen.