Popular Bible Verses from 1. Tessalonicha 4

Share

Dan woa wie, dee wie läwen un jebläwen sent, tojlikj met an opp de Wolkjen metjenomen woaren, un onsen Harn bejäajnen; un dan woa wie emma bie am sennen.

De Har woat selfst vom Himmel raufkomen un lud sajen, waut passieren saul. De hechsta Enjel woat roopen un Gott siene Posaun woat jeblost woaren. Dan woaren dee, dee em Gloowen aun Christus seelich jestorwen sent, toieescht oppstonen.

Gott sien Wellen es dit, daut jie heilich läwen, daut jie junt von aule Huararie friehoolen. Jieda Maun saul lieren, sikj selfst to kontrollen, un saul vesieekjen met reine Jedanken un met Respakjt siene ieejne Fru to jewennen.

Wiels wan wie jleewen, daut Jesus jestorwen un vom Doot oppjestonen es, woat Gott derch dän Harn Jesus un met am toop uk dee no sikj nämen, dee aul enjeschlopen sent.

Lot daut eene Ierensach fa junt woaren, daut jie stell un ruich läwen, daut een jiedra sikj om siene Sach kjemmat un soo oabeit, aus wie junt daut jeliet haben.

Gott haft ons nich jewält, orrein to sennen, oba heilich.