Popular Bible Verses from Mga Salmo 143

Share

Ikaw ang akong Dios; tudloi ako pagtuman sa imong kabubut-on. Magmando unta kanako ang imong Espiritu ug tultolan ako niya sa dalan nga layo sa kadaot.

Misalig ako kanimo; pahinumdomi ako matag buntag sa gugma mong walay paglubad. Nag-ampo ako kanimo; tultoli ako sa dalan nga akong agian.

Midangop ako kanimo, O GINOO, aron imong panalipdan ug luwason gikan sa akong mga kaaway.

Luwasa ako, O GINOO, sumala sa imong gisaad; sa imong pagkamatarong, luwasa ako gikan sa akong mga kalisdanan!

Dungga intawon ang akong pag-ampo, O GINOO, pamatia ang akong mga pangaliya! Matarong ka ug matinud-anon busa paminawa intawon ako!

Tubaga ako karon, O GINOO! Nawad-an na ako sa paglaom! Ayaw akog biyai kay tingali unyag mahisama ako niadtong moadto sa kalibotan sa mga patay.

Nahinumdoman ko ang nangaging mga adlaw; naghunahuna ako sa tanan mong gibuhat; gihinumdoman ko ang tanan mong gihimo.