Popular Bible Verses from Mga Panultihon 22

Share

Tudloi ang bata kon unsaon niya pagkinabuhi, ug hinumdoman niya kini sa tibuok niyang kinabuhi.

Pagbaton ug kahadlok ug pagtahod sa GINOO ug pagpaubos ug makabaton kag mga bahandi, dungog ug taas nga kinabuhi.

Kon papilion kamo sa maayong kadungganan ug sa daghang bahandi, pilia ang maayong kadungganan. Ang maayong kabubut-on mas bililhon pa kay sa salapi ug bulawan.

Ayaw pagpakighigala sa mga tawo nga init ug ulo ug daling masuko.

Pagmahinatagon ug paambita sa imong pagkaon ang mga kabos ug panalanginan ka tungod niini.

Ang tawong maayog panghunahuna makakita sa umaabot nga kasamok ug molikay siya niini, apan dili kini tagdon sa tawo nga wala maggamit sa iyang hunahuna ug unya magbasol siya sa kaulahian.

Ang mga kabos ulipon sa tawong dato ug ang manghulam maulipon sa nagpahulam kaniya.

Walay kalainan ang dato ug ang kabos kay pareho silang binuhat sa GINOO.

Ayaw pamintaha sa tawong kabos abi kay kabos man siya ug ayaw yataki ang katungod sa tawo nga wala gayoy mahimo diha sa hukmanan kay ang GINOO maoy mobarog nga manlalaban nila ug mosuklig kadaot sa nagpahamtang kanilag kadaot.