Popular Bible Verses from Mga Panultihon 13

Share

Ang kanunayng makig-uban sa mga maalamon mahimo usab nga maalamon, apan ang nakig-uban sa mga buangbuang mahitumpawak sa kaalaotan.

Ang magmatngon sa iyang sinultihan magapanalipod sa iyang kinabuhi, ang magpataka lag sulti makadaot sa kaugalingon.

Kon dili mo kastigohon ang imong anak, wala mo siya mahala. Apan kon gihigugma mo siya imo siyang pantonon.

Kon mahanaw ang paglaom, mohari ang kaguol, apan ang pangandoy nga matuman, maghatag kanimog maayong kinabuhi.

Ang katarong manalipod sa tawong dili sad-an, apan ang pagkadaotan makalaglag sa makasasala.

Ang bahandi nga mabatonan mo sa sayon nga paagi dali rang mahanaw. Apan modaghan kini kon nakuha mo kini sa inanay.

Ang garbo walay laing sangpotan kondili kasamok, busa maayo ang pagpakitambag.

Ang maayong tawo may bahanding ikabilin sa iyang mga apo, apan ang bahandi sa mga makasasala mapanag-iya sa mga matarong.

Ang maalamong anak mamati kon badlongon sa iyang amahan, apan ang hambugiro dili gayod moangkon sa iyang sayop.

Ang tawo nga dili buot makakat-on mahimong walay nahot ug alaot, apan ang tawong mamati kon badlongon tahoron sa katawhan.