Popular Bible Verses from Mga Panultihon 11

Share

Pagmanggihatagon ug magmauswagon ka. Tabangi ang uban ug tabangan ka usab.

May mga tawo nga walay pugongpugong sa pagpanghatag apan nag-anam silag kadato. Adunay naghikaw sa angay unta niyang ihatag apan nag-anam hinuon siyag kakabos.

Maulawan gayod ang garboso. Mas maayo ang pagpaubos.

Mahugno ang usa ka nasod kon walay maggiya niini. Makaayo sa siyudad ang daghang magtatambag.

Naghatag ug kinabuhi ang pagkamatarong, apan ang kabangis magwagtang sa kinabuhi.

Walay tiglibak nga kapiyalag sikreto apan kasaligan ang tawong matarong.

Kon maluoy ka sa uban gikaluy-an mo usab ang imong kaugalingon. Kon mapalabilabihon ka, nagdaot ka lang sa imong kaugalingon.

Molambo ang matarong sama sa lunhaw nga dahon, apan ang nagsalig sa ilang bahandi malarag sama sa mga dahon sa tingtugnaw.

Dili magpulos kanimo ang bahandi sa adlaw nga ikaw hapit na mamatay, apan ang katarong magluwas kanimo gikan sa kamatayon.

Dili gayod manlimbong ang maayong tawo. Ang pagpanglimbong mao ray molaglag niadtong dili kasaligan.

Ang kaanyag sa babaye nga walay maayong panghukom sama ra sa singsing nga bulawan diha sa ilong sa baboy.

Gikasilagan sa GINOO ang mga tawo nga naggamit ug dili hustong timbangan, apan malipay siya sa husto nga timbang.