Popular Bible Verses from Marcos 8

Share

Kay ang buot moluwas sa iyang kaugalingong kinabuhi mawad-an hinuon niini. Apan kadtong maghalad sa iyang kinabuhi alang kanako ug sa Maayong Balita dili mawad-an niini.

Unsa may makuha sa usa ka tawo kon maangkon niya ang tibuok kalibotan apan kawad-an siya sa iyang kinabuhi? Wala gayod!

Unya gitawag ni Jesus ang katawhan ug ang iyang mga tinun-an ug giingnan sila, “Bisan kinsa nga buot mahimo nga akong tinun-an kinahanglan nga kalimtan niya ang iyang kaugalingon, pas-anon niya ang iyang krus ug mosunod siya kanako.

Walay bisan unsa nga ikabugti sa usa ka tawo aron mabawi niya ang iyang kinabuhi. Busa kon ako ug ang akong pagtulon-an ikaulaw sa usa ka tawo niining daotan ug makasasala nga kaliwatan, ikaulaw usab siya sa Anak sa Tawo inig-abot niya inubanan sa himaya sa iyang Amahan kuyog sa mga anghel nga balaan.”

“Apan kamo, unsa may inyong ikasulti? Kinsa man ako?” nangutana si Jesus kanila. Ug mitubag si Pedro, “Ikaw mao ang Mesiyas.”