Popular Bible Verses from Mateo 15

Share

Apan ang mga butang nga mogula sa baba naggikan sa kasingkasing. Kining mga butanga maoy makahugaw sa tawo. Kay gikan sa iyang kasingkasing manggula ang mga daotang hunahuna: pagpatay, pagpanapaw, daotan nga pagpakighilawas, pagpangawat, pagpamakak ug pagbutangbutang.

Dili ang mosulod sa baba sa tawo ang makahugaw kaniya kondili ang mogula sa iyang baba.”

‘Kining mga tawhana, nagpasidungog kanako sa pulong lamang, apan layo kanako ang ilang kasingkasing. Walay kapuslanan ang ilang pagsimba kanako, kay ilang gitudlo ingon nga balaod sa Dios ang mga sugo nga hinimo lamang sa tawo!’ ”

Ug si Jesus mitubag kaniya, “Babaye, pagkadako sa imong pagsalig! Matuman ang imong gihangyo.” Ug niadto gyod dayong gutloa naayo ang iyang anak.

Apan miduol ang babaye ug miluhod sa atubangan ni Jesus. “Ginoo, tabangi intawon ko!” miingon siya. Si Jesus mitubag, “Dili maayo nga kuhaon ang pagkaon sa mga anak aron ipakaon sa mga iro.” Ang babaye mitubag, “Tinuod kana, Ginoo, apan bisan gani ang mga iro makakaon man sa mga mumho nga mahulog gikan sa lamisa sa agalon.”