Popular Bible Verses from Genesis 3

Share

Sa pagkakita sa babaye nga ang maong kahoy maanindot kaayo ug laming kan-on ang bunga niini ug makapahimo kaniyang maalamon, mikuha siyag bunga ug gikaon niya kini. Unya gihatagan niya ang iyang bana ug mikaon usab siya.

Sa tanang mananap nga gibuhat sa GINOONG Dios, ang bitin mao ang labing limbongan. Gipangutana sa bitin ang babaye, “Gidid-an ba diay kamo sa Dios pagkaon sa bunga sa tanang kahoy sa tanaman?”

Himoon kong magkaaway ikaw ug ang babaye; ug mahimong kaaway ang imong kaliwat ug ang iyang kaliwat. Dugmokon niya ang imong ulo ug paakon mo usab ang iyang tikod.”

Ug miingon siya sa babaye, “Dugangan ko ang imong kalisdanan inigpanamkon mo ug ang kasakit nga imong bation inigpanganak nimo; apan bisan pa niini, mangandoy ka gihapon sa imong bana ug siya maoy magbuot kanimo.”

Magpatulo ka sa imong singot ug maghago pag-ayo una pa mohatag kanimog abot ang yuta hangtod mobalik ka sa yuta nga imong gigikanan. Hinimo ka gikan sa yuta ug sa yuta ka mopauli.”

Unya miingon siya sa lalaki, “Tungod kay nagpadani ka man sa imong asawa ug mikaon sa bunga sa kahoy nga gidili ko kanimo, mahimong tinunglo ang yuta tungod sa imong gibuhat. Maghago ka pag-ayo sa tibuok mong kinabuhi una pa kini mohatag ug igong abot alang kanimo.

“Kinsay nagsulti kanimo nga hubo ka?” nangutana ang Dios. “Mikaon ka ba sa bunga sa kahoy nga gidili ko kanimo?”

Gipapahawa sa Dios ang tawo ug gibutangan niya ang silangan sa tanaman sa Eden ug mga kerubin ug usa ka espada nga nagdilaab ug nagtuyoktuyok aron walay makaduol sa kahoy nga naghatag ug kinabuhi.

Ginganlan sa lalaki ang iyang asawa ug Eva kay siya man ang inahan sa tanang mga tawo.