Popular Bible Verses from 2 Mga Hari 6

Share

Unya nag-ampo si Eliseo ug miingon, “O GINOO, buksi ang iyang mata aron siya makakita.” Busa gipakita sa GINOO ang batan-ong sulugoon ni Eliseo sa nagkatag nga mga kabayo ug mga karwahi nga kalayo nga naglibot kang Eliseo.

Si Eliseo miingon, “Ayaw kahadlok kay ang ania uban kanato mas daghan kay niadtong uban kanila.”

Sa dihang ang sulugoon ni Eliseo migawas sayo sa buntag, nakita niya ang kasundalohan nga naglibot sa siyudad. Ug nangutana ang sulugoon kang Eliseo, “Unsa may atong buhaton?”

Ug sa pagsulong sa taga-Siria, nag-ampo si Eliseo sa GINOO. Miingon siya, “O GINOO, butai sila.” Busa gibutaan sila sa GINOO.

Si propeta Eliseo mitubag, “Diin man mahulog?” Ug sa dihang gipakita niya kang Eliseo ang dapit, nagputol si Eliseo ug kahoy ug gilabay niya kini sa dapit nga nahulogan sa wasay ug milutaw ang uhas sa wasay.

Apan samtang ang usa kanila nagputol ug kahoy, ang uhas sa iyang wasay nahulog sa tubig ug misinggit siya, “Hala, hinulaman ko ra ba kadtong wasaya. Unsa may akong buhaton?”

Unya miingon si Eliseo, “Punita kana.” Busa gipunit kini sa tawo.