Popular Bible Verses from 2 Mga Hari 4

Share

Si Eliseo miingon kaniya, “Unsa may mahimo ko alang kanimo? Unsa may butang nimo didto sa balay?” Ug siya miingon, “Wala, gawas sa usa ka gamayng tibod nga lana.”

Unya ang asawa sa usa sa mga propeta miadto kang Eliseo ug miingon, “Patay na ang akong bana ug nasayod ka nga mahadlokon siya sa GINOO. Apan ania ang tawo nga iyang nautangan ug salapi aron pagkuha sa duha ko ka anak aron iyang ulipnon silbing bayad sa utang sa akong bana.”

Unya si Eliseo miingon, “Lukpa ang tanan nimong mga silingan ug panghulam ug mga basiyong kasudlan ug lana kutob sa imong mahimo.

Unya sulod kamo sa lawak, ikaw ug ang imong mga anak. Panira kamo sa pultahan ug sudlig lana ang mga sudlanan. Inigkapuno sa usa ka sudlanan, ilain kini.”

Sa dihang napuno na ang mga sudlanan, siya miingon sa iyang anak, “Hatagi akog laing sudlanan.” Ug ang anak mitubag kaniya, “Wala nay laing sudlanan.” Unya mihunong pag-agas ang lana.

Gisuginlan sa babaye si propeta Eliseo ug si Eliseo miingon, “Hala, ibaligya ang lana ug bayri ang imong mga utang. Ang sobra niini makabuhi na kaninyo.”

Busa mipauli ang babaye ug nanira siya ug ang iyang mga anak. Samtang nagbubo siya, gihatag sa iyang mga anak kaniya ang mga sudlanan ug gisudlan niya kinig lana.

Unya gihap-an niya ang bata ug gitungod ang iyang baba sa baba sa bata, ang iyang mata sa mata sa bata ug gitapion usab niya ang iyang kamot sa kamot sa bata. Ug samtang gihap-an niya ang bata, nanginit kini.