Popular Bible Verses from 2 Mga Hari 2

Share

Sa dihang nakalabang na sila, si Elias miingon kang Eliseo, “Unsa may buot mo nga akong buhaton kanimo sa dili pa ako kuhaon sa GINOO?” Ug si Eliseo miingon, “Buot ko nga maako ang duha ka pilo sa imong gahom.”

Samtang nagpadayon sila paglakaw ug pagsultihanay, sa kalit usa ka karwahi nga kalayo nga giguyod ug mga kabayo nga kalayo usab ang mipataliwala kanila. Ug gibayaw si Elias ngadto sa langit pinaagi sa usa ka alimpulos.

Si Elias miingon, “Lisod kanang imong gipangayo apan kon makakita ka kanako samtang kuhaon ako gikan kanimo, matuman kini. Kon dili ka makakita kanako, dili kini matuman.”

Unya gihampak niya ang tubig sa kupo ni Elias ug miingon siya, “Hain man ang GINOO, ang Dios ni Elias?” Sa dihang gihampak niya ang tubig, dihadiha nabahin ang tubig ug milabang niini si Eliseo.

Nakakita niini si Eliseo ug misinggit siya, “Amahan ko! Amahan ko! Ania ang mga karwahi ug ang mga kabalyero sa Israel.” Ug wala na dayon niya makita si Elias. Unya gikuha niya ang iyang bisti ug gigisi niya kini sa duha ka bahin aron pagpakita sa kasubo.

Unya gikuha ni Elias ang iyang kupo ug gipilo ug kini gihampak niya sa tubig ug nabahin ang tubig ug nanabok silang duha.

Sa dihang hapit na bayawon sa GINOO si Elias ngadto sa langit pinaagi sa usa ka alimpulos, nagpanaw si Elias ug si Eliseo gikan sa Gilgal.