Popular Bible Verses from Ap 12

Share

Makub'ti'j kyu'n qtzik e'qitz'in tu'n tchk'el Qpoj Tman rit elqojli ex tu'n tpakb'al b'a'n xikypakb'a'n; min e'xob' tu'n tel kychwinqlal, kyaq'kyib' tu'n kykyim.

Xi'tzun nb'i'ne' jun tq'ojq'ojel towi'yj kuw toj kya'j, intoq kyma'n: Matxi' tzulju' kolb'il, ex tipumal ex tkawb'il Qman Dyos, ex tkawb'il Krist chq'o'n tu'n, qu'n matxi' tz'etz xonju' b'ajsal intoq poqonkye okslal q'ijtl ex qonik'an twitz Qman Dyos.

Qu'mtzun majx etzxonju' nin txkup wakxkan, aju' ojtxi' kan tok tb'i Tajaw il ex Ajq'oj ti'j Dyos, ex nsb'un kyi'j kykyaqil xjal. Eb'ajku'tz xon kyuk'i'lxi' tanjl tzmax twitz tx'otx'.

¡Che tzalajxtzune' kya'j, ex aye'ye' najlqe'ye' toj kya'j! ¡Qab'anxtzunkye' kywitz najlqe'ye' twitz tx'otx' ex toj ninnjab', qu'n matxi' ku'punju' tajaw il q'ojil kyi'je', intx'u'jin qu'n kanli twitz qa naqch'i'nxtl toj tq'ij!, chij.

Yajxi'tzuntl tzaj jun q'oj toj kya'j: q'ojin Myel kynejel anjl kyuk'i'lju' tanjl, ti'ju' txkup wakxkan. Q'ojin wakxkan exqe' tanjl

Tu'ntzunju' ojexi'x q'ojin wakxkan ti'ju' qya, xi'tzuntz q'ojil kyi'ju' txqantl tyajajilu' qya, kyi'ju' nche nimante tchaq'b'il Dyos ex lepchiqe' ti'ju' t-xnaq'tzb'il Jesus.

Tzaj yek'u'n jun nin techlal toj kya'j: jun qya ktxu'nti'j tu'n q'ij naku'j t-xb'alun, atitoqu' xjaw tjaq' tqan ex tokx jun tkoron toj twi' ate'k kab'lajoj che'w ti'j. Ch'onwi' toqju' qya, ex intoq ẍch'in tu'n tk'ixk'ojal wnaq ti'j, intoq yajti tu'n xi'titz'ji tal.

Itz'jitzun talju' qya, q'a, ju' ati tu'n tkawin kyib'aj kykyaqil nimaqtnam tuk'i'l tb'aston k'uxb'il. Eltzun q'i'n tal te ex xiq'i'n twitz Dyos ex twitzju' tq'uqb'il; xi'tzun oqu' qya toj chq'ajlaj, jatoq tu'n ttena' tu'n Dyos ex tu'n twan atzu' toj oxk'al oxnaq (1,260) q'ij.

Ex yek'unjtz juntl techlal toj kya'j: jun nin txkup kyeqti'j, wakxkan tb'i, ate'toq wuq twi', lajoj tuk'a ex tokx jun tkoron tojunjun twi'. Majx e'tzaj tjto'n tje txkup jun toxi'n aq'punju' che'w twitz kya'j, ex eb'ajkb'u'l t-xon twitz tx'otx'. Kub' we' txkup lu twitzju' qya xi'toq titz'ji tal, tu'ntoq txi' tch'yo'n talu' qya naqa sitz'ji.

Atzunte' qya e'okq'o'n kab'e' t-xik' nimaq kse'n t-xik' t'iw, tu'n tb'ent t-xilik'k'in jatu'n ttena' toj chq'ajlaj, najchaq ti'ju' wakxkan, jatu'n t-xiq'o'na' twa toju' oxe' ab'q'i tk'i' nik'jan. Jawtzun t-xa'n txkup wakxkan a', tu'n tjaw jun nin a' tu'nt-xi tiqa'nju' qya; onintzu'n tx'otx' ti'ju' qya, qu'n xik'ab'chaj ex xinaju' a' jaw t-xa'n wakxkan toj.