Popular Bible Verses from Gn 28

Share

Atinqinwe' tuk'i'la; knxq'uqi'ya jaxjaku' matxa'ya, ex k'anjetz wiq'i'n jumajtla toju' tx'otx' lu. Lay kyej ntzaqpi'na, qu'n ilti'j kjapumelwe' nyol ju' xintziya'ne' teya, chi Qman Dyos te.

Ex til qa wa'ltoq Qman Dyos tk'etz ex tzaj tma'n te: Ayinweju'ye' Dyos Manb'aj, Tdyos tchmana Ab'raam ex Tdyos tmana Isaak. Kxe'l nq'o'ne' tx'otx' jakuẍla'ya teya ex kyeju' tyajajila.

Tetzunj ttzaj tna'ntib', kub' t-xima'n: Atipelote' Qman Dyos tza'lu, mixtzunti'we' b'i'n wu'n, chij.

Atzuntzu' tmaya' jun tyol tu'n tb'inchante twitz Qman Dyos, kjalu: Qa ati Dyos wuk'i'le' exqa machin t-xq'uqiye' toju' nb'eye' ljo'n, qama tzaj tq'o'n nwaye' ex nxb'alune', exqa matz'anjtz jumajtl wi'je' toj b'anil tja nmane', atzunte Dyos Manb'ajtzu' te toj kya'j k'okyel te Ndyose'. Atzunju' ab'j xkub' nwab'a'ne' lu naku'j jun tqan ja, atzunte k'okyelju' te tja Dyos; extzunju' tlajoji'n ti'j tkyaqilu' ktzajel tq'o'na weye' nman Dyos, kxe'l nq'o'ne' teya kukxu', chij.

Okxi'x che b'elpuqli kse'n quq twitz tx'otx', kche najal toj tjawetzq'ij ex toj tkub'exq'ij, toj tnayajkya'j ex toj tb'a'nq'ob'kya'j. Kykyaqiltzunju' xjal toj tkyaqil twitz tx'otx', kpomel kanun ky'i'wb'il kyib'aj noq tu'nela ex naq kyu'nelju' tyajajila.

Tojtzunju' najb'il lu, atitoq jun nintnam Lus tb'i, atzunte tch'exb'e tb'iju' tnam lu, atl tb'iju' oktq'o'n B'etel.