Popular Bible Verses from Ex 2

Share

Tzajtzun tb'i'n Qman Dyos kykub'sb'il ex tzaj tna'nju' tyol kyej b'entti'j tuk'i'l Ab'raam, Isaak ex Jakob'. Tzaj tka'yi'n Qman Dyos tu'me'l kse'ntoq inche anq'ina' ex tzaj laqj tk'u'j kyi'j.

Tetzunj tb'et ab'q'i kyimu' nimaqkawil toj Ejipt. Aye'tzunkye' aj Israel kukxtoq kyajtiju' ex majxtoq nex ch'yonju' yajb'ilkye toj kyk'u'j. Japunju' tq'ojq'ojel kywi' twitz Qman Dyos.

Tetzunj tel ti'j tch'u', xi'tzuntz q'olte teju' tmyal nimaqkawil. Atzu'n tmyal nimaqkawil oktq'o'n te talku'xi'x ex oktq'o'n tb'i, Moyses, qu'n tma: —Toj a' xjatza' wiq'ina'ye', chij.

xitzun tma'nju' tmyal nimaqkawil teju' ttxu ne'ẍ: —Ka'yinxpech'i'nju'ya ne'ẍ lu ex q'onxa tch'u', kxe'l nchjo'nwe' teya, chij. Xi'tzun q'i'n ne'ẍ tu'n ttxu ex xitq'o'n tch'u'.

Yajxi'tzuntel, ku'xju' tmyal nimaqkawil ichil ttziju' nin a', intoqtzun che b'etju' tmajen qya ttziyile a'. Atzu'n tmyal nimaqkawil o'kx t-xi' tka'yi'nju' chi'l atokx kxol ajlaj, xitma'ntzuntz te junju' tmajen tu'n ttzaj tiq'i'n.

Tetzunj ichantltoq Moyses, jun q'ij ex b'etil kxolju' twnaqil ex oktka'yi'n kuwxi'xju' kyaq'un inkub' q'o'n. Ex til toktoq jun aj Ejipt b'yolte jun aj Eb'rey. Xika'yintzuntz toj tkyaqil plaj, tetzunj tb'aj tka'yi'n b'a'nxi'x mix-a'lo' jun nka'yin, kub'tzun tb'yo'n aj Ejipttzu' ex ku'x tmqu'n toj tz'awun.