Popular Bible Verses from Ef 6

Share

Qu'n myatzu' nqo' q'ojina' kyuk'i'l xjal, anatzu' nqo q'ojinate' kyuk'ilju' nejenel mixti' q'ancha'lqe' ate' twitz kya'j, aye'j nche kawin kyib'aj kkyaqil xjal ex toj qxopin.

Lalun che qjene' tu'n kyna'n Dyose': che kub'sane' ex kyqaninxe' te Dyos kuxju' kse'nxju' ntma'n Xewb'aj Xjan. Che kub'sane' twitz Dyos, lalun che kub' numje', ex che na'nqe' Dyose' kyi'j kykyaqilju' okslal sk'onqe' tu'n Dyos.

Tz'ajb'enxju' kq'ojb'ile' tzajni tq'o'n Dyos te kolb'ilkyeye', tu'ntzun lalun che kub' sb'une' kyu'nju' t-sb'ub'l tajaw il.

Qu'mtzun, tz'ajb'enxju' q'ojb'il saj tq'o'n Dyos kyeye', tu'ntzun lalun kub'kyi'je' toju' tq'ijlalil myab'a'n tzul, ex tkub'lenxi'tzun ti'j tkyaqil kyu'ne', che b'elwe'xi'xtle' toj kyokslab'le'.

Ex kq'onkye' kyokslab'le' te kolb'ilkyeye' teju' tal t-smal tajaw il ntzaj t-xon kyi'je'. Awtju' kolb'il tz'ajb'en kyu'ne' te kolb'ilte kwiye', ex awtju' tyol Dyos tz'ajb'en te kyk'uẍtx'e'nb'ile' ntzaj tq'o'n Xewb'aj Xjan.

Qu'mtzun kwab'anku' kyib'e' ex kyoksankye' ax kyi'je' ex che okxe' tz'inun kyi'je'. Kyb'inchanku' ktene' tu'n kxiye' q'malte tpakb'al b'a'n kyeju' xjal.

Atzun ja'lo witz'in ex ntzik kkuwsam kyib'e' tuk'i'l Qajaw tu'ntzun tten kyipumale' nimxi'x.

Aju' tnejel chaq'b'il ati tu'me'l t-xel tu'n Dyos qama japun aja'lu: Nimana te tmana ex te ttxuya, tu'ntzun ttena toj b'anil ex tu'n tanq'ina b'a'npun q'ij twitzju' tx'otx'.

Aye'ye' k'walb'aj, che okslanqeye' te kmane' iku' se'n ntma'n Qajaw, qu'n tu'me'lxi'x ja'lu.