Popular Bible Verses from Hch 2

Share

Xittzaq'we'n Luch kye kjalu: —Kutanjtz kyi'je' tuk'i'l Dyos ex tjaw a' kywi'ye' teyile junjun toj tb'i Jesukrist, tu'n tkub' tnajsa'n Dyos kyile', oktzun tzajel tq'o'n Xewb'aj Xjan kyeye'.

Ex intoq che ten toju' xnaq'tzb'il nkq'o'n apostl, intoq kub' kyaq'pu'nju' ati kye kyxol, ex intoq kyb'u'yi'n kyib' tu'n tkub' kyaq'pu'n wab'j tu'n kywan junx ex tu'n kyna'n Dyos.

Ex kykyaqil eb'aj noj tu'n Xewb'aj Xjan, e'aq'witzuntz yolil kyoj junxi'tl yol, kse'nxju' ntq'o'n Xewb'aj xjan tu'n kyyolinte.

Naqx minab'en ttzaj jun tq'ojq'ojel toj kya'j, kse'n jun kyq'iq' kuw, majx q'ajti tkyaqilju' ja jatoq ta'qe'. Ex okkyka'yi'n nakuj q'aq' b'ajx txoli'n kye, ex kub'ten junjun tib'ajile junjunkye. Ex kykyaqil eb'aj noj tu'n Xewb'aj Xjan, e'aq'witzuntz yolil kyoj junxi'tl yol, kse'nxju' ntq'o'n Xewb'aj xjan tu'n kyyolinte.

Intoq kyb'u'yi'n kyib' tkyaqil q'ij toj tja Dyos, ex intoq kub' kyaq'pu'n wab'j ex nche wan junx kyoj ja tuk'i'l tzalajb'il ex me's kyanmi. Intoq kyajwali'n Dyos ex b'a'n e'ela' toj kywitz kykyaqil xjal; ex intoq chmet-xi'xtl kyb'aju' nche klet atl junjun q'ij tu'n Qman Dyos.

Chi Dyos kjalu: toj b'ajsb'il q'ij, ktzajel nq'o'ne' Nxewe' kyib'aj kykyaqil xjal; kb'ajxe'l kyma'n tk'wala ex tmyala tpakb'alil aku'ju' nyole', ktzajel ye'k'u'n ti'xti' kyeju' ku'xun kyxole', ex k'okyel kywitzik'ju' tijwnaq.

Kykyaqilju' okslal atitoq mujb'ab'l kyxol ex intoq kub' kyaq'pu'nju' ati kye kyxol; intoq xikyk'a'yi'n ktx'otx' ex tkyaqilju' atitoq kye, ex intoq kub' kyaq'pu'n pwaq kse'nx nojqelan teyile junjun.

Kykyaqiltzu'n nche na'n tb'i Dyos, che kletel, chiju' tz'ib'a'n.

Kb'el qxopinixju' q'ij, exju' xjaw kjawil b'ent te chik', na'mxtoq tulkanun tu'n tulju' Qajaw, a q'iju' nim toklen ex tb'anilxi'x.