Popular Bible Verses from 1 Ti 3

Share

Qu'mtzun aju' yol saj yek'un qe ti'ju' qokslab'l axte' ex nimaq toklen qu'n: Ate Krist oktq'o'n tib' te xjal tu'n tyek'u'ntetib' qe, ex chik'b'anjtz tu'nju' Xewb'aj Xjan qa tnik'alti'j ok ka'yi'n kyu'n anjl. Pakb'anjtz kye nimaqtnam, ex nim xjal e'okslan te toj tkyaqil twitz tx'otx' xiq'intzuntz toj kya'j.

Qu'mtzun alkyeju' xjal tok te nejenel ati tu'n tanq'in tojxi'x tnik'a ti'j. Ati tu'n tok chmilb'aj te junx qya ex ati tu'n tanq'in tojxi'x tu'me'l, ati tu'n tok tz'aqlixi'x tnab'l ex b'a'nwnaq. Ati tu'n tq'onte anb'il kye xjal tu'n kkyej tja ex ati tu'n tok te jun b'a'n xnaq'tzal

Ati tu'n tkawin b'a'n kyib'aju' te toj tja ex tu'n tq'onte knab'lju' tk'wal tu'ntzun kyok b'a'nqe' ex nche okslan te Dyos

Aju' jun ichan tmajen Dyos ati tu'n tok chmilb'aj te naq jun qya, ex ati tu'n tb'ent tkawin kyib'aju' tk'wal ex tojku' tja. Qu'n aye'ju' tmajen Dyos nkb'incha'nju' kyaq'un b'a'nxi'x, in kkanb'anju' jun kyoklen ex nche nimanjtz kyu'n kkyaqilju' okslal ex ntenxi'x kyipumal toj kyokslab'l ti'j Qajaw Jesukrist.