Popular Bible Verses from Jo Roma 14

Share

Pien ker pa Lubaŋa pe te lokke cam ki mat, ento kit ma atir, kuc, ki yomcwiny ma Cwiny Maleŋ miyo. Dano ma tiyo tic pa Kricito kit meno aye yomo cwiny Lubaŋa, dok bene dano gipwoye.

Ka wakwo, wakwo pi Rwot; ka wato bene, wato pi Rwot. Mumiyo kadi wakwo, nyo wato, wan jo pa Rwot.

Myero doŋ watamu pi gin ma kelo kuc ki gin ma doŋo niyewa i kinwa kekenwa.

Myero doŋ wagiku ŋolo kop woko i kom luwotwa; ento gin ma myero wamoki en aye pe me tiyo gin mo ma bimiyo ominwa yokke nyo poto i bal.

Pien yam gicoyo ni, “Macalo atye kwo-ni man Rwot ma owaco. jo ducu gibirumo coŋgi i nyima, ki dano ducu gibipako Lubaŋa.” Kit meno, ŋat acel acel i kinwa bidok i lok ma i kome pire kene bot Lubaŋa.

Wujol dano ma niyene goro, ento pe wupyem kwede i kom tam mogo ma en tamo.

In aŋa mono ma iŋolo kop i kom latic pa ŋat mukene-ni? Meno lok pa ŋat ma loye me ŋolo kop i kome, ka cuŋo nyo ka poto. Ento en bicuŋ gire, pien Rwot tye ki twero ma miyo en cuŋ.