Popular Bible Verses from Jabuli 63

Share

Ai Lubaŋa, in Lubaŋana, atye ka yenyi, kwona ducu ocuŋ piri; koma doŋ ool woko pi miti, calo abedo i lobo mutwo, muti, ma pii pe iye.

Mar meri ma pe lokke ber kato kwo, pi meno abipaki gira kare ducu.

Abipwoyi pi kare me kwona ducu; abikok boti kun ataŋo ciŋa

Pi meno abedo ka yenyi i kabedoni maleŋ, pi neno tweroni kacel ki deyoni.

pien ibedo lakonya kare ducu, dok akanne i tipo te bwomi kun awero wer pi yomcwiny. Amoko i komi woko Iikiŋ, ci ikwaka woko maber ki ciŋi malacuc.

Kadi ka atye i wi kitandana wiya po i komi, dok abedo ka lwodo lok i komi dyewor benebene