Popular Bible Verses from Jabuli 119

Share

Lokki calo tara ma menyo ka tyena, dok tye calo ceŋ ma menyo yo ma awoto iye.

Doŋ akano lokki i cwinya, wek pe atim bal mo i nyimi

Latin awobi bigwokke niŋniŋ yone ma pe balo? Gwokke i yone kun lubo lok ma in iciko.

Gitye ki gum jo ma gwoko lok me cadenne, ma giyenyo en ki cwinygi ducu

In aye kalarrena ki kwotta, ageno lok ma iciko.

Miya aniaŋ i cikki, wek agwoki, ci abed ka lubone ki cwinya ducu.

Wek abed ki miti me lubo lok me cadenni, kato ma abedo ki cwiny me noŋo lonyo.

Can ma alimo-ni obedo ber bota matek, wek apwony lok me cikki.

Kadi ka atye i can, lokki kweyo cwinya; pien cikkeni doŋ omiya kwo.

Tela i yo me cikki, pien yomo cwinya mada.

Ai Rwot, pwonya wek aŋe kit yo ma myero alub kwede cikki, ci abigwoko nio wa i agiki.

Cwercwiny doŋ obwoya woko; miya teko, kit macalo yam iciko.

Amaro cikki twatwal! Abedo ka lwodo lok i kom cikki dyeceŋ jwi.