Popular Bible Verses from Marako 12

Share

Yecu ogamo ni, “Cik mukwoŋo en ene, ‘Wuwiny wun jo Icrael, Rwot Lubaŋawa en Rwot acel. Ci mar Rwot Lubaŋani ki cwinyi ducu, ki tiponi ducu, ki tammi ducu ki tekki ducu.’ Ki me aryone en ene ni, ‘Mar lawoti macalo imarre keni.’ Pe dok tye kit cik mo ma pire tek makato cik magi aryo-ni.”

Ocako lwoŋo lupwonnyene bote, ci owacogi ni, “Adada awacciwu ni, dato man ma lacan-ni en aye dok obolo lim madwoŋ makato jo ducu; pien jo mapol gugito but limgi madwoŋ-ŋi aye gubolo, ento en i canne-ni, obolo limme ducu ma en tye kwede ma onoŋo konyo kwone.”

Yecu obedo i ot pa Lubaŋa ka ma okemme ki canduk me coko lim, ci obedo ka neno kit ma lwak gibolo ki motgi i canduk lim; lwak lulonyo gubolo iye mapol. Ento dato ma lacan obino ci obolo iye cente aryo, ma rom ki cente abic me kare-ni.

Dok ni gimare ki cwiny ducu, ki ryeko ducu, ki tek ducu, ki maro lawoti macalo imarre keni, cik magi aye pigi tek makato gitum ma giwaŋo ducu ki berre ki gitum mukene ducu.”

Yecu ocako wacogi ni, “Wudwok jami pa Cecar bot Cecar, ki jami pa Lubaŋa wudwok bot Lubaŋa.” Gin gucako urone matek.