Popular Bible Verses from Matayo 21

Share

Gin ducu ma wupenyo i legawu, wubinoŋo, ka ce wutye ki niye.”

Yecu odok iye botgi ni, “Ada awaco botwu ni, ka onoŋo wutye ki niye, kun pe wukalo akala, onoŋo pe wutwero timo gin ma otimme i kom oduro-ni keken, ento kadi bed wuwac ki got man ni, ‘Mukke wek itiŋŋe ipot wa i nam’, ci bitimme bene.

Ci jo ma gutelo yo ki jo ma gulubo kore gudaŋŋe ni, “Ojana, wupak Lakwar Daudi! Lubaŋa omi gum i kom ŋat ma bino i nyiŋ Rwot! Ojana malo i wi polo!”

Ci owaco botgi ni, “Gicoyo ni, ‘Oda gibilwoŋo ni ot me lega’; ento wun wuloko odoko boro pa luyak.”

“Wuwac bot jo Cion ni, Nen ka kabakawu bino botwu, kun obedo i wi kana ki mwolo, i wi latin kana.”

Yecu ogamo doggi ni, “Yam pe wukwano lok ma gicoyo i ginacoya ni, ‘Got ma lugedo gukwero-ni en aye odoko got madit ma i twok ot; man Rwot aye ma otiyo, obedo botwa lok me aura’?

Pi meno awaco botwu ni, gibikwanyo ker pa Lubaŋa woko ki botwu, ci gimiyo bot rok ma binyako nyig ma mitte iye kikome.”