Popular Bible Verses from Matayo 18

Share

Pien ka ma jo aryo nyo adek gucokke kacel i nyiŋa, an bene noŋo atye kunnu i kingi.”

Dok bene awaco botwu ni, ka jo aryo i kinwu biye kacel lok i kom gin ma gilego, ci Wora ma tye i polo bitimo pigi.

Ci Yecu olwoŋo latin mo bote, ocibo ocuŋ i kingi, ka owaco botgi ni, “Ada awaco botwu ni, ka pe wulokke wudoko macalo litino, pe wubidonyo i ker me polo wacel.

Dano ma mwolle woko kekene calo latin man, en aye ma loyo ki dit i ker me polo.

Dano ma jolo latin mo acel macalo man i nyiŋa, noŋo ojolo an.

“Ada awaco botwu ni, gin mo ducu ma wutweyo i wi lobo man gibitweyo kadi wa i polo, gin mo ducu ma wubigonyo i wi lobo man gibigonyo bene wa i polo.

Wora ma tye i polo bene bitimowu kit meno, ka ce pe wutimo kica bot dano ki i cwinywu, dano acel acel ki ominne.”

“Ento dano ma miyo ŋat acel ma i kin jo magi matino ma guye an-ni poto i bal, onoŋo bedo ber makato ducu ka gitweyo kidi rego madit i ŋute ci gibole kwede woko wa i nam matut.

Wutamo gin aŋo? Ka ce dano mo tye ki romine miya acel, ka acel i kingi ocito orwenyo woko, pe biweko romi pyeraboŋwen wiye aboŋwen-ni i wi cere-gu, ci cito ka yenyo en murwenyo-ni?