Popular Bible Verses from Luka 6

Share

Wumi, gibimiyowu. Gibimiyowu gin ma gipimo maber i korwu, ma gidilo, ma giyeŋo, ma o. Pien kit gin ma wupimo kwede jami en aye bene gibipimo kwede Jami botwu.”

Dano maber kwanyo gin maber i kin jami mabeco ma en okano i cwinye, dano marac kwanyo gin marac ma i kin jami maraco ma en okano, pien dog dano loko gin ma opoŋ i cwinye.

Ento wumar lukworwu, wutim ber, wumi banya, kun pe wugeno ni gibiculowu, ci mot me pwoyowu bibedo madwoŋ, dok wubibedo litino pa En Mamalo Twal; pien en timo ber bot jo ma pe pwoye ki bot jo maraco.

Wubed lukica macalo wunwu lakica.

“Pe wuŋol kop i kom jo mukene, wek wun bene pe gibiŋol kop i komwu; pe wuŋol kop olo jo mukene, wun bene pe gibiŋolo kop loyowu. Wutim kica bot dano pi balgi, ci wun bene gibiweko balwu.

“Ento wun jo ma winyo, awaco botwu ni, Wumar lukworwu, wutim ber bot jo ma dagwu. Wulam gum i kom jo ma cenowu, wuleg pi jo ma nywarowu.

Kit ma wumito dano gutimwu, wun bene wutimgi kumeno

Ŋat ma owoŋo lemi tuŋcel, lokke tuŋcel bene; ŋat ma omayo kanyini, pe itwonne koti bene. Mi bot dano ducu ma legi; ŋat ma omayo jami ni, pe ipenygi doki ki bote,.

“Pien pe tye yat maber ma twero nyako nyige maraco; ki yat marac bene pe twero nyako nyige mabeco

yat acel acel giŋeyo pi nyige. Pe gipwono olam ki i kom oryaŋ, dok bene pe gipwono olok ki i kom ocok.