Popular Bible Verses from Luka 11

Share

Ka wun jo maraco wuŋeyo miyo mot mabeco bot litinowu, ci Wonwu ma tye i polo pe bikatowu, bimiyo Cwiny Maleŋ makato bot jo ma lege?”

Dok acikowu ni, Wulegi, ci gibimiyo botwu; wuyeny, ci wubinoŋo, wudwoŋ doggola, gibiyabo botwu.

Pien dano ma lego gimiye, ki ŋat ma yenyo bene, noŋo; ŋat ma dwoŋo doggola bene, gibiyabo doggola bote.

Yecu odok iye botgi ni, “Ka wulego, wuwac kit man ni, ‘Wonwa, giwor nyiŋi maleŋ. Ker meri obin.

Iwek balwa, pien wan kikomwa waweko bal pa dano ducu ma gibalo botwa. Pe iterwa i abita.’”

Miwa nino ki nino camwa me nino ducu.

Tara me komi aye waŋi; ka ce waŋi bal mo pe iye, ci komi kulu bibedo leŋ. Ento ka ce waŋi tye ki bal mo i kome, ci komi kulu bibedo i colpiny.

“Pe tye ŋatti mo ma cwinyo tara ci kano i gul, nyo umo auma ki aduku; ento cibo i wi okar, wek dano ducu ma gibino i ot gunen derone.