Popular Bible Verses from Jo Ibru 1

Share

En dero me deyo pa Lubaŋa, cal pa Lubaŋa kikome tye i kome, dok en bene ma tiŋo jami ducu ma tye, ki teko me lokke. Ma doŋ en otyeko tic me lwoko bal, en obedo piny i kabedo me deyo tuŋ acuc i ŋet Won Deyo Madwoŋ ma tye malo i polo

Yam con Lubaŋa oloko ki kwarowa i dul lok mapol dok i yo mapatpat, kun loko ki i dog lunebi; ento i kare man ma lacen-ni en doŋ oloko kwedwa i Wode. Jami ducu ma tye, Lubaŋa ceŋ otiyogi pi twer pa Wode, ma en oyubo ni myero obed won jami ducu.

Lumalaika kono dok gubedo aŋagi? Gin ducu gubedo cwiny mogo ma tiyo tic pa Lubaŋa; en orogi ka konyo jo ma binoŋo larre.

En dok oloko ni, “In Rwot wiati iketo guti me lobo, polo bene en tic me ciŋi. Gin birwenyo woko oyot, ento in iri nakanaka; gin ducu gibiti macalo boŋo