Popular Bible Verses from Acakki 27

Share

Lubaŋa omiyi toyo ma luk a ki i polo, ki lobo ma ceko cam mapek. Lwak jo mapol obed luticci, ki rok mapol bene giryebbe piny i nyimi. In aye ibed ladit ma loyo omegi, litino pa meni ducu giryebbe piny i nyimi. Cen obed i kom dano ducu ma biceni, dok gum obed i kom jo ducu ma bilammi gum!”

Ecau owacce ni, “Pe gicako nyiŋe Yakobo atir? Nen, en doŋ oridde ka laro jamina kiryo kulu. Okwoŋo buyo dit anywillina, doki nen, in bene dok otyeko buyo gumma woko.” Dok omedde ki waco lok ni, “In nene pe igwoko gum pira ce?”

Wonne Icaka ocako gamo lokke ni, “Nen, ibibedo bor ki lobo ma ceko cam mapek, dok ibibedo bor ki toyo ma luk a ki malo i polo. Ibikwo meri ki lak pala lucwanni, ibibedo latic pa omeru; ento i kare ma ibijemo i kome, ci ibituro rii okol ma oriyo i ŋutini.”

Ecau dok owaco bot wonne ni, “Onoŋo itye ki gum acel keken bo, wora? Lamma gum, lamma gom mo bene do, aya abana.” Ecau otiŋo wiye malo ka koko.