Popular Bible Verses from Nia 2

Share

Ka Lubaŋa owinyo cur megi, ci opo pi gicikkene ki Abralm ki Icaka, ki Yakobo. Lubaŋa oneno jo Icrael, ci oŋeyo kit bedogi.

I lwak kare meno ducu, kabaka Ejipt oto iye woko, ci jo Icrael gubedo ka cur pi bedo opii, kun gikok gimito kony; ci kokogi pi bedo opii owinnye bot Lubaŋa.

Ka doŋ latin odoŋo, ci otere bot nya pa Parao, odoko wode ocako nyiŋe Moses kun waco ni, “Pien aywayo ki i pii.”

Ci’ nya pa Parao owacce ni, “Cit ki latin man, ci icipitta; an abiculli mucarani.” Kit meno min latin otero latin, opito.

Ka nya pa Parao obino ka lwok i kulu, ci anyirane guwoto gurabo ŋet kulu; en oneno aduku ki i kin aluga, ocwalo aŋecane ka omone.

Ka Moses doŋ odoŋo, ci i niŋo mo acel en owoto bot lutugi, oneno pekogi. Ka oneno Laejipt mo ka goyo Laibru mo, ma ŋat acel i kin lutugi, ci oneno piny tuŋŋi ki tuŋŋi, pe oneno ŋatti mo, ci oneko Laejipt meno, okane woko i kweyo