Popular Bible Verses from MARKUS 13

Share

Sumun kaf ma ka gawt kigiya kuɗ semda vanu, may sa ma vi'e ta-ta hay dabaŋ-gu'ta, nam ma fi su'da.

Ligi ŋali, lakgi jigere, siɗawgiya, kay nigi may wi liyn ma mata valamɗi.

Hay li ma nisi ma yawgi kay nargi vun kitata, yorgi tuwgi kay va ma nigi ma dumnaɗi, may nigi ma dum mi va ma Ŋusta min ɗekgit hay buur namna, kay yoboy namna may vi Ŋusta-Peldetta pa, may vigi nigi kay tuwgiɗi.

Dukalawna hiɗi nagata ma vat goyo, may yoboyna vanu ma vat goy noŋɗi.

May hay buur na'ta ɗawni, sa as wi leeraɗi, sa sunda-wuralawna as wiɗi, goora kaw as wiɗi, may bumna kep as wi'e.

Hay li ma nigi ma hum kay duura hiɗi labara vi duura, ligi narɗi, kay la linige kaw kayni ma li'e, may dabaŋ-gu'ta bay co tuwa.

Nigi kaw lakgi jigere, kay liyn ma bum-ziyna min hotay hayamna nigi wumɗi, la vulatit kla, la henjet ŋolda kla, la ŋarpita kla, la graw culumta kla. Nigi ma li nari, kay a nam ma co kigi tugumɗi, figi kalay senɗi kaw. Va ma nan digit kayni, nan dum tam sumun kafe, lakgi jigere.

Kay sum sa hay nagat kepe ma yaw kulo'o kay sum sa hay nagat tara'a, mulda ma fok kulo'o kay mulda kaw, wiira vi nagata ma li tani li ɗawn kaw, mayta ma li ŋolo kaw, slen kayni kaf mi tun cawta vi tuw-tita ɦawa.

Labara ma firina ma kusis tam jaf-sumun jew kafe.

kay sumun ŋolo ma ma'a hay semda vanu, nisi ma di ala nanu mi namu, nisi ma ɗut sumun goy ŋolo.

May nigi ma li ŋali, kay nisi ma nargi vok sa kitana, nigi ma fi watta hay sinagogayna, nigi ma lak vok sa guvernerayna hiɗi muliyana kaw kuɗ semda van nanu, kay di-goyta tisiya

Kay Kristuwayn bay-gasina hiɗi sa jobta-Lawna bay-gasina ma yaw kulo'o, nisi ma li ɗekka ma ŋulona hiɗi sle ma ŋulo ŋulona, kay ɗut sa vilekayna goyo, la kayni fi li'e.

May hay buur namna ɗawni, fatta ma muɗ jufun kurup', tilla ma muɗ vul haraŋa valam loɗi, mislekŋa ma cukay gaa dukalawn pa, donota vi dukalawna ma wira.