Popular Bible Verses from LUKAS 12

Share

Nala nigi kaw lakgi jigere, kay goora vi sana co ɗawni hay li ma nigi may var kalamɗi.

May gargit ti mulda-Lawna, bugolda nigi ma fi sle hena kuɗa'a.

Bugolda Yesu di tisiya: Ŋomgi tuwgi ŋaa'a kay varta vi farayna, kay la san ka hiɗi slen ŋolo kaw, slen namna as suɗ irita valam goyɗi.

Kay hay liyn ma farayna vigiya ka hayna, dikgi min mus hay liy namna kaw.

Jargi kayni la san yor tuwam ŋolo nanige kaw, nam as ɦur buura vi irita valam voko ir goldoŋ kep su?

Nam di tam sa hatayna valamu: Kay na'ta nan digiya: Nigi ma yor tuwgi kay irita vigiɗi, yor tuwgi kay sle ma nigi ma tumnaɗi, yor tuwgi kay sligara ma nigi ma cukumnaɗi kaw.

Ɗuŋus ma kay yigin kaw ŋaɓay kalam kaf. Ligi narɗi, kay nigi gus lop suw colgona.

Ligi narɗi, nigi vok ma kiɗayna, kay kir bugi ŋaa'a kay vulgi mulda.

Ɗuwgi tam gaw-gawna tige, nam cuk jafɗi, feɗi kaw, zogodo ma nam cuk slen hayamna mayɗi, feera valam mayɗi kaw. May Lawna vulum tina. Nigi kiram ŋaa suw layayna sem gaage?

May nigiya, va ma nigi ma tumna hiɗi va ma nigi ma cumna, nigi ma garamɗi, nigi ma yor tuw kalamɗi kaw.

May la Lawn cuk sligara nala tam usna ma hay sinena, ma vaydi colay zawni kay gum goyo hay kut jifini, nam ma cuk sligara tigi nigi suwɗi su? Nigi sa vida vigi kiɗayna!

May va ma yalam baray bar ma bay ma goy haraŋi mayɗi, va ma ŋayaya ma sa as wum goyɗi mayɗi kaw.