Popular Bible Verses from SA MA KUSTA 2

Share

Kay Lawna vul mi sa ma kiram ŋaana yalda, wida vi slena hiɗi firita, may nam vul nekka mi sa ma sulukŋa kay tok slena, tapam yam tuwamu kaw, kay vulum mi sa ma kiram nam Lawn ŋaana. Kayni lo mi va ma waa'a, mi jaŋga kuɗ simeɗna.

Ŋaata ta san fa'ta kayni hay li ma nam ti'e, ci'e, vul firita mi dikamu kuɗ lopna valam ma nam lumna. May nan wi ala slen ma ki kayn nalana may hay ɓam Lawni pa. Hay gasita, sa ma as ti'e, ci'e, mus hay firita kaw nam gige? Mi nan deɗi su?

Bugolda nan muɗ iran tam lop ma nan lum hiɗi ɓanna kaf, hiɗi makka ma nan fi'e kuɗ lop namna, nan ɗuw kayni, slen namna kaf waa'a, mi jaŋga kuɗ simeɗna kaw. Va ma ŋaa'a ne' ma nay fum kuɗ lop ma nay lum gaa kuɗ fatta tani mayɗi.

Va mige kaw ma iran vumna, nan hinim goy galan bay lumɗi, va ma dikan minimu may nan lumɗi mayɗi, kay dikan ka li firi kay lopna ma nan lum kafna, kay kayni mi va ma nan fum kuɗumna.

Nan wi goy haraŋ ala yalda na' ŋaa'a suw bay-yalda, ki haraŋa nam ŋaa'a suw jufunda nala kaw

kay sa ma yalla kayni iram kir tuwam ca, may sa ma ɦay-ɦayna poy hay jufunda, may nan wi kaw ala dabta visiya ŋray ca ki tuwa' nala.

Kay sa hena li lop hiɗi yali, hiɗi wida kaw, slen kaf ma nam lumna li hay liyamu kaw, may nam hin vuɗna vi lop namna hay ɓam sa mara ma fi makka hayam noŋɗi, nala nam kayni mi va ma waa'a, ti tuw ŋolo kaw.