Popular Bible Verses from GATTA-SEM-MA'TA 30

Share

Vaydi nan lak dukalawn hiɗi nagata kay nisi ma wi jaraya: Nan tun irita hiɗi mitta vokgiya, bolda hiɗi be'da kaw. Vilekgi irita, kay nigi ma lak iriya, nigiya hiɗi jafna vigiya, kay min Ma-Vatɗina, Lawna vigiya, kay hum kuɗ della valamu, kay jun tuwgi talamu: Namu mi irita vigiya, mi ma ɦur buura vigi vokgina, kay nigi ma lak hay nagata ta Ma-Vatɗin yi va kalamu kay vula' mi sumaygiya: Abraham, Isaak hiɗi Yakub.

Kay nan vulgi gatta vaydi a nigi ma min Ma-Vatɗina Lawna vigiya, kay poy hay hagata valamu, kay li kuɗ vun-ma-gatna valamu, sle ma colina hiɗi dita valamu, kay nigi ma mus iriya, kay nigi ma biya'a, kay Ma-Vatɗina ma gi bol kigiya hay nagata ta nigi ma co haya'ta ɗawni.

Ɗuwgiya, vaydi nan tun vokgiya irita hiɗi ŋaata, mitta hiɗi joota.

Yoboy namna hayɗin ka goboy hiɗi nigiya, hay vungiya, hay dikgiya, kay nigi ma li kuɗumu.

Ma-Vatɗina Lawna vigiya ma kaagi dikgi gosaya, ma ka dik gurona vigi gosaya kaw, kay nigi ma min Ma-Vatɗina Lawna vigiya hiɗi dikgi kaf, hiɗi ciwta vigi kaf, hiɗi yalla vigi kaf, kay nigi ma mus iriya kaw.

Ma-Vatɗina Lawna vigiya ma hobgi hiɗi ŋaata hay li ma nam ma muɗ lop ma nigi lumna ŋolo, guro sa nigi vuɗsina, farayna vigiya, sle ma sinena, kay Ma-Vatɗina ma li firi kay ŋaata vigi lo, ki nam li firi kay ŋaata vi sumaygi nala

May la nigi min cal goyo, la nigi kal vokgiya kay girif gaa vok lawayn mara'a sunumu kaw, nan di tigi vaydi ala nigi ma vat goyo, hay li ma nigi ɦaw Yordanawa kulo'o, hay li ma nigi coowa hay nagat na'ta, buura vigi ma ɦur vokɗi.

Kay na'ta vun-ma-gatna namna ma nan vulgit vaydi kayni nam suw donota vigiɗi, nam may suwi kigiɗi kaw.

Nam may kulo dukalawnɗi, kay a nigi ma di ala: Sa ma as jik kulo hay dukalawna, maray vun-ma-gatna namna, kay nay ma humumu, kay nay ma ŋomom hay dikaya, as di naɗi.

Nam may goy hay gal hena vi niy-lumnaɗi, kay a nigi ma di ala: Sa ma nay as gum goy hay gal hena vi niy-lumna, maray vun-ma-gatna kay nay ma humumu, kay nay ma ŋomom hay dikaya as di naɗi.