Popular Bible Verses from 2 MULIYANA 4

Share

Elise di ta'a: Nan as lum tag ɗawn mi mige? Nak dan tige, va vag ma ka vo hay ziyna mi mige? Na' hot dit ala: Nan gorvota vaŋu ka kan vo kayn ti doŋolay ta ɦok mula tuta.

Cat kep jar boyna vi gurona vi sa jobta, na' ka siwel tam Elise ala: Jufan sa ma sunda vaŋ mitiya, naŋ vi ala jufan kayni nam li nar kuɗ Ma-Vatɗina; may sa mara ka'a, balla valam ka kay jufanu, nam yaw gurona van sa ma'na gorvo'o.

Nala nam di'e: Tuɗag goy vi nuriyokŋa kaf, siɗawag doŋolay ma hayam goy ɦawana, nak ma siɗawam ir kiɗayɗi.

Hay li ma nak hotiyawa vo'o, nak ma duk vun-ziyn kagu hiɗi gurona vagu; nak ma ɦok mula hay doŋolay namna kaf, ma hobawana nak ma lakam goy galamu may.

Hay li ma doŋolayna hobawa, na' di tam goora va' ala: Maran doŋolay tara lo. May nam hota' dit ala doŋolayna may loɗi, ki kayn nala mula min jaŋ loɗi.

Na' tuɗ labar namna tam sana vi Lawna, nala nam di'e: Tuɗag gusag mula goyo, wurakag bal ma kagŋa, nala diram ma hinina ma suɗag nak hiɗi gurona vagu.

Bugol kayni na' kaliya. Na' duk vun ziyn kulo ka'a hiɗi gurona va'a; nisi mara' doŋolayna, na' ɦok mul haya may.

Nam jik kulo'o, koɗ gaa kay goora, nam jo vunam hay vun goora, jo iram hay ir goora, jo ɓalam tam ɓam goora, meɗ tuwam goy gaa kay goora. Nala tuw goor tun caw gi kuwa.