Popular Bible Verses from 1 MULIYANA 19

Share

Bugol wiira vi nagat kayni, kuta, Ma-Vatɗin may hay kutɗi, bugol kut kayni, mi suwana ma lim-limna, ma ir hefteŋe kaw.

Nam kay tuwam kalay goy hay fulda, nam busa tuɗ he', ɗawni nam mus gaa kuɗ gu-malanjana, nam job mitta, nam di'e: Wulin kayn asawa yo, Ma-Vatɗina, slaŋ ciwta vanu, kay nan may ŋaa'a suw sumiyanɗi.

Ma-Vatɗin di'e: Kalaŋay goyo, colaŋ goy kay hiɗiyna vok ir Ma-Vatɗina. Ɗuw na kayni, Ma-Vatɗin jika. Vok Ma-Vatɗin kayni, simeɗn ma ŋolo ma dono'o biwa, nam jet hiɗiyn goyo, munum goyo kaw, bugol simeɗn kayni, wiira vi nagat li'e: Ma-Vatɗin may jar nagat ma wiiraɗi.

Hay li ma Eliyas hum kayni, nam kusuɓ iram hiɗi sligara, nam kalay goyo, col goy vun zul hiɗiyna. Ɗuw na kayni, del mara ka di talam ala: Naŋ lum tan kayn mi mige Eliyas?

Hay ɗawni, nam kal hay zul hiɗiyna, nam cap bur tos'. Bugol kayni Ma-Vatɗina ka di yoboyn talam ala naŋ lum tan kayn mi mige Eliyas?

Nam fokay kulo'o, ti'e ci'e kaw; hiɗi donota ta nam fa' kuɗ tin namna, nam tuɗ ir buur dok-fiɗi ta-ta co tam hiɗiyta vi Lawna, hay Horeb.

Nam bur gaa kuɗ gu-malanjana cab bur sene. Ɗuw na kayni, sunda-wuralawn jomu, ka dum ala: Fokaŋ kulo'o, taŋu.

Sunda-wuralawna vi Ma-Vatɗina co talamu hay sem ma ma'na, jomu ka dum ala: Fokaŋ kulo'o, taŋu, kay hagat ta vokaŋga ka gine'e.

Nam hot dita: Nan ka li ciwerta ŋolo kay Ma-Vatɗina vi vok-ma-duura; kay gurona vi Israyel yisi jok bonota vaŋawa goyo, giwin-ma-ɗifinna vaŋu nisi ɦoomawa gaa'a, sa jobta vaŋu nisi cisiyawa goyo hiɗi kew-gaferaŋa, hini wulin kayn mi nan kepe, nisi ka gar a can goyo kaw.

Nam ɗuw na kayni hambul ma cufum hay hiɗiy ma giy kuna ka tuni kulo kalam ta', genda niyna ka ta kaw. Nam ti'e ci'e, bugolda hot bur gaa'a may.

Yesabel gi sunda tam Eliyas ala: Jifini hay fatta ki kayn nala, la nan caŋ goyo ki naŋ ci sa jobta kayn naɗi, lawayn ma lan joo'o hiɗi diksi noŋ kafe.

May nan ma hin sumun birim siɗiya hay Israyel, nisi kaf sa bay girif gaa vok Baal, sa bay coɗ vun Baal tuwa.

Eliyas fokis ɗawn pa, nam fi Elise goora vi Safat, fum zum zaw. Luway ma zumna ka vokom jub-jub' doogo yam ma', nam kay tuwam ka kuɗ luway ma doogo yam ma'na. Eliyas co talamu, nam wat sligara valam kelemu.

Hay li ma nam kal goy gine hiɗi Eliyas kalla, nam yaw luway ma' lum ɗifini, nam zalam sliwam hiɗi gu ma juni kuɗumna, nam vul tin mi sumuna. Bugol kayni nam fok kulo'o tap kuɗ Eliyas, tun caw sunumu.

Elise hin luwayna valamu, jaŋ kuɗ Eliyas, ka dum ala: Hinan tuɗ gi deɓ mi bunu hiɗi sunu, bugolda nan ma tapis kuɗaŋu. Eliyas hotom dita: Tuɗaŋu, bugolda hotaŋiya: Kay naŋ ma var kay va ma nan lum taŋu.