Popular Bible Verses from Juan 16

Share

Kaykunataqa nikichik hawkayayta ñoqapi tarinaykichikpaqmi. Kay pachapiqa ñakarinkichikmi, ichaqa kallpanchakuychikyá, kay pachapi mana allinkunataqa venceruniñam, nispa.

Cheqap Espíritu hamuspanñam pusasunkichik tukuy imapas cheqap kaqkunaman, payqa manam kikillanmantachu rimanqa, aswanqa llapa imapas uyarisqanmantam; hinaspam willasunkichik hamuq punchawkunapi imakunam pasakunanmanta.

Kunankamam sutiypiqa manaraq imatapas mañakurqankichikchu. Mañakuychikyá hinaspaqa chaskinkichikmi, chaynapim kusikuynikichik qespisqa kanqa.

Cheqaptam nikichik: Qamkunapaqqa allinpunim ñoqapa riyniyqa, mana riptiyqa manachá qamkunapa kallpanchasuqnikichikpas hamunmanchu, rispaymi ichaqa kachamusqaykichik. Pay hamuspanmi runakunata reqsichinqa huchayuq kasqankumanta, Diospa kuyakuyninmanta hinaspa juicio punchawmanta

Chaynam qamkunapas kunan llakisqa kachkankichik, ñoqa kutimuptiymi ichaqa kusisqa kankichik, chay kusikuytaqa manam pipas qechusunkichikchu. Chay punchawpiqa manañam imamantapas tapuwankichikchu. Cheqaptapunim nikichik, sutiypi mañakuptikichikqa Taytaqa qosunkichikmi.

Cheqaptapunim nikichik, qamkunam waqaspa llakikunkichik, hinaptinmi runakunañataq kusikunqaku. Ichaqa qamkuna llakipi kaptikichikpas, chay llakikuynikichikmi kusikuyman tikrasqa kanqa.